keralam, life, Malayalam, politics

ചരൈ വേദി

സ്വയംസേവകൻ എന്നാൽ മുഖപുസ്തകത്തിലെ കൂട്ടുകാരൻ മാത്രമാണെന്ന ധാരണ ആർക്കെങ്കിലും ഉണ്ടെങ്കിൽ അവരതൊന്ന് തിരുത്തണം

സംഘപ്രവർത്തനം നടത്താൻ കർമക്ഷേത്രത്തിലെ ശാഖകൾ ശക്തമാക്കാൻ 
സാംഘിക്കുകൾ വിജയിപ്പിക്കാൻ ബൈഠക്കുകൾ ,വർഗുകൾ  , മറ്റ് പരിപാടികൾ നടപ്പിലാക്കാൻ  കയ്യിൽ നിന്ന് കാശ് മുടക്കി വിശപ്പും ദാഹവും സഹിച്ച്  വീട്ടുകാരുടെയും നാട്ടുകാരുടെയും ഉപദേശവും ശകാരവും സഹിച്ച് 

വെയിലും മഴയും വകവെക്കാതെ ഓടിനടന്ന് സംഘപ്രവർത്തനം ചെയ്ത് സാംഘിക്കിനോ വർഗിനോ ബൈട്ടക്കിനോ നാല് ആള് കുറഞ്ഞതിന് മുതിർന്ന കാര്യകർത്താവിന്റെ വിമർശനവും അവസാനം ശെരിയാകണം ശെരിയാവും എന്ന സമാധാന വാക്കും കേട്ട് നേരം വൈകി ഇരുട്ടത് കുഞ്ഞിന് കൊടുക്കാൻ കപ്പലണ്ടി മിട്ടായിയും വാങ്ങി  ഗണഗീതവും പാടി പാടവരമ്പത്തു കൂടെ ധൃതിയിൽ വീട്ടിലേക്ക് ആഞ്ഞ് നടക്കുന്ന  സംഘകാര്യകർത്താകൾ ഉണ്ട്..

വീടും കുടുംബവും നാടും നാട്ടാരും  ജോലിയും കൂലിയും ഒക്കെ ഉപേക്ഷിച്ച് രാഷ്ട്രത്തിന് വേണ്ടി സമാജത്തിന് വേണ്ടി  മുൻപൊരിക്കൽ പോലും കണ്ടിട്ടിലാത്ത നാട്ടിൽ  യാതൊരു മുൻപരിജയവുമില്ലാത്ത അനാട്ടുക്കാരെ സ്വന്തം കൂടപിറപ്പുകളായി കണ്ട് അവർക്ക് വേണ്ടി ജീവിക്കുന്ന പ്രചാരകന്മാരുണ്ട്…  
ജീവന് തുല്യം സ്നേഹിക്കുന്ന സംഘത്തെ ആരെങ്കിലും അരുതാത്തതോന്ന് പറഞ്ഞാൽ ഇതെന്റെ സംഘമാട ഇനി ഒരക്ഷരം മിണ്ടിയാൽ നിന്റെ നാവരിയുമെന്ന് കടുപ്പിച്ച് പറയുന്ന ജീവിതത്തിന്റെ നല്ലൊരു ഭാഗവും സംഘത്തിന് വേണ്ടി ഹോമിച്ച സ്വന്തം ജീവിതത്തെ കഠിന പരിശീലനങ്ങൾ കൊണ്ട് കഠിനമാക്കി തീർത്ത പാവം കഠിന ഹൃദയരുണ്ട്…
കൂടെ നടന്നവർ പാതിവഴിയിൽ വീണ് പോവുമ്പോഴും കണ്ണീരിനെ അഗ്നിയിൽ ദഹിപ്പിച്ചു കൊണ്ട് തേങ്ങലും നൊമ്പരവും ഉള്ളിലൊതുക്കി നഷ്ടപ്പെട്ടവർക്ക് താങ്ങായും തണലായും നിൽക്കുന്നവർ
നാളെ ഞാനാണെന്നറിഞ്ഞിട്ടും ഒരടി പോലും പിന്നോട്ട് വെക്കാതെ ചരൈ വേദി

എന്ന് മാത്രം പറഞ്ഞ് മുന്നോട്ട് മാത്രം നടക്കാൻ ശീലിച്ചവർ , സംഘമന്ത്രം മാത്രം ഉരുവിട്ട് അനുഭവങ്ങളുടെ വിയർപ്പൊലിചിറങ്ങുന്ന നെഞ്ചിൽ കൈ വെച്ച് ചങ്കുറപ്പോടെ അഭിമാനത്തോടെ അതേടാ ഞാൻ RSS കാരനാടാ എന്ന് പറയുന്നവർ..

സംഘമെന്തെന്ന് പോലും അറിയാത്ത കുലം കുത്തികളും സംഘ വിരോധികളും പിറക്കുമ്പോൾ നെഞ്ച് പിടയുന്ന സ്വയംസേവകരുണ്ട് കാര്യകർത്താക്കളുണ്ട്..

Advertisements
Standard
Malayalam

ഒരു ട്വിറ്റെർ യാത്രയുടെ കഥ..!

നമ്മൾ കരുതിയിരുന്ന ട്വിറ്റെർ അല്ല ട്വിറ്റെർ ഞാൻ വിചാരിച്ചിരുന്നത് രാഷ്ട്രിയക്കാർക്കും, സെലിബർറ്റിക്കൾക്കും മാത്രമാണു ഈ ട്വിറ്റെർ എന്നാണ്.. എന്നാൽ അതോക്കെ ഇപ്പോ മാറി. കുറച്ചു വർഷം മുന്നേ ഞാനും ഡൌൺലോഡ് ചെയ്തു ട്വിറ്റെർ. ഒന്നും മനസിലാവാതെ പകച്ചു നിന്ന ഞാൻ എന്റെ പേരും രണ്ട് ഫോട്ടോയും അതിൽ ഷെയർ ചെയ്തു.. ഒരു പട്ടി പോലും തിരിഞ്ഞു നോക്കിയിട്ടില്ല എന്ന് എടുത്തു പറയണ്ട ആവിശ്യം ഇല്ലാലോ..
ഇംഗ്ലീഷ് വലുതായി ഒന്നും അറിയാത്ത ഞാൻ രണ്ട് ദിവസത്തേക്ക് ട്വിറ്റെർ തുറന്നില്ല.. അങ്ങനെ ഒരു ലീവ് ദിവസം ഒരു ന്യൂസ്‌ കേട്ടു ഏതോ ഒരു സെലിബർറ്റിയുടെ ട്വീറ്റ് വൻ വിവാദം ആയി പോലും.. നമ്മളെടുത്തും ഉണ്ടല്ലോ ഈ സുന എന്ന് വിചാരിച്ചു ഞാൻ ഓപ്പണ്‍ ചെയ്തു നോക്കി.. ആ വിവാദ പോസ്റ്റ്നു വന്ന റിപ്ല്യെകൾ വായിക്കുമ്പോൾ ആണ് ഒരു കൗതുകമായ കാര്യം ശ്രദ്ധയിൽ പെട്ടെത്.. അതിൽ ആരോ പച്ച മലയാളത്തിൽ റിപ്ല്യെ കൊടുത്തിരിക്കുന്നു. ആദ്യം ഒന്ന് ഞെട്ടിയെങ്ങിലും പിന്നിട് ചിരിയാണ് വന്നത്.. ലോകത്ത് എവിടെ പോയാലും അവിടെ ഒരു മലയാളി ഉണ്ടാകും എന്ന് പറഞ്ഞപോലെയാണ് പച്ച മലയാളത്തിൽ ഉള്ള ട്വീറ്റ് കണ്ടപ്പോൾ എനിക്ക് തോന്നിയത്.

ആ അക്കൗണ്ടിനെ ഫോളോ ചെയ്തുകൊണ്ട് അവന്റെ ട്വീറ്റ്കൾ ഞാൻ വായിച്ചു.. തമാശകളും, തമാശനിറഞ്ഞ വിമർശങ്ങളും,പ്രണയങ്ങളും, സാഹിത്യങ്ങളും എല്ലാം ഒരു കൂട്ടുക്കരനോട് പറയുന്ന രീതിയിൽ അവൻ ട്വീറ്റ് ഇട്ടിരിക്കുന്നു.. 3000+ ഫോളോവെർസ് ഉള്ള അവനിലൂടെ ഞാൻ ബാക്കി ഉള്ളവരെയും കണ്ടത്തി. .വൈകുന്നേര സായനങ്ങളിൽ നാട്ടിൻ പുറത്ത് കാണപെടുന്ന കുശലം പറച്ചിലും, അടിപിടികളും, പ്രണയ വിരഹ കാര്യമെല്ലാം അവർ അന്യോനം പങ്ങുവേക്കുന്നു. ചിലർ രണ്ടു ചേരികളായി പിരിഞ്ഞുകൊണ്ട് രാഷ്ട്രിയം പറയ്യുന്നു അങ്ങനെ രസകരമായ കുറെ കാര്യങ്ങൾ എനിക്ക് അതിലൂടെ അന്ന് മനസിലാക്കൻ പറ്റി…

പിന്നിടുള്ള എന്റെ ചിന്ത അവരെ പോലെ മലയാളം എഴുതണം എന്നായിരുന്നു. അങ്ങനെ മലയാളം കീ ബോർഡ് ഡൌൺലോഡ് ചെയ്യുകയും മലയാളത്തിൽ രസകരമായ ട്വീറ്റുകളും ഇട്ടു കൊണ്ട് ഞാനും ആ കുടംബത്തിന്റെ ഒരു ഭാഗമായി..

ഫേസ്ബുക്കിലെ വർഗീയതയും, ഫേക്ക് ന്യൂസുകളും നമ്മെ തെറ്റായ ചിന്തയിലേക്ക് നയിക്കുമ്പോൾ.. ഇവിടെ ട്വിറ്റെറിൽ അതൊന്നും നിങ്ങൾക്ക് കാണാൻ കഴിയില്ല. സ്വന്തം ജീവിതവും, പ്രണയങ്ങളും,അല്പം രാഷ്ട്രിയവും ചേർന്നു കൊണ്ട് ഒരു കൊച്ചു സ്വർഗ്ഗം തീർക്കുകയാണ് ഇവിടെ ട്വിറ്റെർ മലയാളിസ്.. ആദ്യം പറഞ്ഞപോലെ നിങ്ങൾ കരുതുന്ന ട്വിറ്റെർ അല്ലാ ട്വിറ്റെർ..

Standard
BJP, keralam, Malayalam, politics

സംഘിയണ്ണന് മീരേച്ചിയോട് പറയാനുള്ളത്…

 ഇത് പോലെ “കമ്മിയണ്ണൻ” എന്നെഴുതാനുള്ള ശക്തി മീരക്കുണ്ടാകില്ല കാരണം എഴുതി കഴിയുന്നതിനു മുന്നേ നടുറോട്ടിൽ മീരയുടെ കോലം കത്തും, വണ്ടിക്ക് അവർ കല്ലെറിയും, വീടിന്റെ മുന്നിൽ റീത്ത് കൊണ്ടുവെക്കും നാളെ മുതൽ നിങ്ങൾ കെട്ടിയുണ്ടാക്കിയ സാഹിത്യ എഴുത്തുക്കാരിയെന്ന ലേബൽ അഴിച്ചു വെപ്പിച്ചു സംഘിയെന്ന മാല ചാർത്തി തരും.. എന്നാൽ സംഘപരിവാർ ഭരിക്കുന്ന നാട്ടിൽ ജീവിക്കാൻ കഴിയില്ല എന്ന് പറഞ്ഞ അതെ മീര ഇന്ന് സ്വാതന്ത്രമായി സംഘിയണ്ണൻ എന്നെഴുതി പ്രസിദ്ധീകരിച്ചു. സംഘപരിവാറിനെതിരെ തൂലിക ചലിപ്പിക്കുന്നവർ അധികകാലം ജീവിച്ചിരിക്കില്ല എന്ന് പറഞ്ഞു കൊണ്ട് തന്നെ മീര സന്തോഷത്തോടെ സംഘിയണ്ണൻ എന്നെഴുതി പ്രസിദ്ധീകരിച്ചെങ്കിൽ അത് തന്നെയാണ് മീര.. സംഘപരിവാറിനെതിരെ സഹിഷ്ണുത.. മീരയെ തല്ലാനും കൊല്ലാനും കാരിയോയാൽ ഒഴിക്കാനും ഒരു സംഘിയും വരില്ല.. അവർ ഈ ആശയത്തിൽ വിശ്വസിച്ച അന്ന് മുതൽ കേട്ടതും കണ്ടതുമാണ് ഇന്നും നിങ്ങൾ എല്ലാം എഴുതിയും വരച്ചും പ്രചരിപ്പിക്കുന്നത്.. അവരുടെ ആശയം പ്രചരിപ്പിച്ചവരാണ് മീര ഇന്നെഴുതിയ അതെ രാജ്യം ഭരിക്കുന്നത് പിന്നെ അവർ എന്തിനു  ഇതിന്റെ പുറകെ പോകണം.. ആവിഷ്‌ക്കാര സ്വാതന്ത്ര്യത്തിന്റെ പേരിൽ ഇങ്ങനെയെഴുതിയിട്ട് നിങ്ങൾക്ക് എന്ത് നേടാനാണ് ആരെ നന്നാക്കാനാണ്..

ഒരു കാര്യം കൂടെ പറയാം.. സഹിഷ്ണുത അസഹിഷ്ണുത എന്നൊക്കെ നമ്മൾ ഒരു മൂന്നു കൊല്ലം മുന്നേ കെട്ടിട്ടുണ്ടോ.. പശുവിന്റെ കാര്യത്തിൽ ആളെ കൊള്ളുന്നത് മൂന്നു കൊല്ലം മുന്നേ നമ്മൾ ആരെങ്കിലും കണ്ടിട്ടുണ്ടോ ഇല്ല കാരണം അന്നൊക്കെ നമ്മൾ കേന്ദ്ര മന്ത്രിമാരുടെ അഴിമതി കഥകൾ കണ്ടു അന്തം വിട്ടു നോക്കി നിൽക്കുകയായിരുന്നു.. ഇന്ന് രാജ്യത്തെ സ്വന്തം അമ്മയെ പോലെ സ്നേഹിക്കുന്നവർ അധികാരത്തിൽ എത്തിയപ്പോൾ നിങ്ങളുടെ കയ്യും മനവും പൊള്ളിയത്തിന്റെ കാര്യം എന്താണ്..?

പശു എന്ന ദൈവത്തിന്റെ പേരിൽ മനുഷ്യൻ മനുഷ്യനെ കൊല്ലുന്നുണ്ടെങ്കിൽ അത് അങ്ങനെ പറയണം അല്ലേലങ്ങിൽ അവരെ മതം നോക്കി മുസ്ലിം ഹിന്ദു തീവ്രവാദികൾ എന്ന് ഉറക്കെ പറഞ്ഞു കൊണ്ട് കഥകൾ എഴുതണം അല്ലാതെ രാഷ്ട്രീയ മുതലെടുപ്പിന് വേണ്ടി അത് സംഘിയണ്ണൻ ചെയുന്നതായാണ് എന്ന് പറഞ്ഞാൽ വിശ്വസിക്കുന്നവരല്ല ഈ രാജ്യത്തുള്ളത്

Standard
keralam, life, Malayalam, politics, Uncategorized

പാർവ്വതിയുടെ കേരളത്തിലെ മലയാളി ഞാൻ അല്ല 

പാർവ്വതി ചേച്ചി.. നിങ്ങൾ Cnnnews ൽ ഇരുന്നു പറഞ്ഞില്ലായിരുന്നോ മലയാളികൾ മുഴുവൻ ബി ജെ പിയെ എതിർക്കുന്നു.. ബി ജെ പി കേരളത്തിൽ ഉണ്ടാവാൻ പാടില്ല എന്ന് ആഗ്രഹിക്കുന്നത് സി പി എമ്മിനെക്കാൾ ഏറേ മുഴവൻ മലയാളികൾ ആണ് എന്നൊക്കെ.. എനിക്ക് നിങ്ങളോട് പറയാൻ ഉള്ളത്.. എന്റെയും എന്റെ കുടുബത്തിന്റെയും അഭിപ്രായം പറയാൻ ഞാൻ നിങ്ങളെ ഏൽപിച്ചിട്ടില്ല.. മൊത്തം മലയാളികളുടെ അഭിപ്രായം പറയാൻ നിങ്ങളാരാ..?? അപ്പോൾ നേമത്ത് രാജേട്ടനെ ജനാതിപത്യ രീതിയിൽ വോട്ട് ചെയ്ത് ജയിപ്പിച്ചു വിട്ടത് മലയാളികളല്ലാതെ ചൈനക്കാരാണോ..? കഴിഞ്ഞ തെരഞ്ഞെടുപ്പിൽ ചേച്ചിയുടെ പാർട്ടി സി പി എമ്മിന് കിട്ടിയതിനേക്കാൾ കൂടുതൽ വോട്ട് ഷെയർ ഉള്ളത് ബി ജെ പിക്കാണ് എന്ന് കൂടെ ചേച്ചിയെ അറിയിക്കുന്നു.. ഈ വോട്ട് ചെയ്തവർ എല്ലാം മലയാളികൾ ആണെന്നും തെളിഞ്ഞതാണ്.. അത് കൊണ്ട് മലയാളികളുടെ മൊത്തം അഭിപ്രായം ചേച്ചി തന്നെ അങ്ങ് തീരുമാനിക്കേണ്ട.. ചേച്ചിയുടെ വീട്ടിൽ ഉള്ളവരുടെയും സ്വന്തം രാഷ്ട്രീയത്തിന്റെയും തീരുമാനം ആരേലും ചോദിച്ചാൽ പറഞ്ഞാൽ മതി.. രാഷ്ട്രീയം നോക്കി സാമൂഹ്യ പ്രവർത്തനം നടത്തുന്ന നിങ്ങളെ പോലെ ഉള്ളവരാണ് കേരളത്തിലെ ശാപം.. നിങ്ങളെ പോലുള്ളവരെ കേരളത്തിൽ നിന്നും തുടച്ചു നീക്കിയാലേ ഇനി ഈ സംസ്ഥാനം നേരയാകു.. ചേച്ചി അങ്ങനെ പറഞ്ഞ സ്ഥിതിക്ക് ഞാൻ ഒന്നൂടെ പറയാം.. ഞാൻ ചേച്ചി പറഞ്ഞ മലയാളികളുടെ കൂട്ടത്തിൽ ഉള്ള ആളല്ല.. ചേച്ചിയുടെ മലയാളി ലിസ്റ്റിൽ എനിക്ക് സ്ഥാനം വേണ്ട.. അതെ “പാർവതി ചേച്ചിയുടെ മലയാളി ഞാൻ അല്ല ”

Standard
dileep, keralam, life, Malayalam

നിങ്ങളെ വിലക്കെടുക്കുന്ന പോലെ എല്ലാവരെയും വിളക്കുവാങ്ങാം എന്ന് മാധ്യമങ്ങൾ കരുതരുത്..


ഇന്ന് ദിലീപിനോട് ഏതെങ്കിലും മലയാളിക്ക് ഒരു സഹതാപം ഉണ്ടെങ്കിൽ അതിന്റെ ഉത്തരവാദിത്വം ഒരു പബ്ലിക് റിലേഷൻ കമ്പനികൾക്കും അല്ല. നേരെ മറിച്ചു ഇവിടുത്തെ മാധ്യമങ്ങളുടെ പരിധിവിട്ടുള്ള ആഘോഷങ്ങൾ മൂലമാണ്. സോഷ്യൽ മീഡിയയെ ദിലീപ് വിലക്കെടുത്തു വാങ്ങി എന്നൊക്കെ പറയുന്ന മാധ്യമ സിങ്കങ്ങൾ ഏതു ലോകത്താണ് ജീവിക്കുന്നതെന്നറിയില്ല. നിങ്ങളെ വിലക്കെടുക്കാവുന്നതുപോലെ എല്ലാവരെയും കിട്ടുമെന്നാണോ കരുതുന്നത്?

കാശു കിട്ടിയാൽ ഏതു വാർത്തയും മുക്കുന്ന അല്ലെങ്കിൽ വളച്ചൊടിക്കുന്ന ചില മാധ്യമ പ്രവർത്തകരുടെ നിലവാരം എന്തായാലും സോഷ്യൽ മീഡിയ ഉപയോഗിക്കുന്നവർക്കുണ്ടാകില്ല എന്ന് തീർച്ച. മാധ്യമങ്ങൾ മുക്കുമായിരുന്ന പല വാർത്തകളും സജീവമായി നിലനിർത്തിയതും മുമ്പോട്ടു കൊണ്ടുവന്നതും സോഷ്യൽ മീഡിയ ആണ്. മാധ്യമങ്ങളുടെ പല കള്ളത്തരങ്ങളും പൊളിച്ചതും സോഷ്യൽ മീഡിയ തന്നെയാണ്. ജിഷ വധക്കേസ് മുഖ്യധാരയിലെത്തിച്ചത് സോഷ്യൽ മീഡിയ ആയിരുന്നു.

മുത്തൂറ്റിലെ റെയ്ഡും, ഗോകുലത്തിലെ റെയ്ഡും കല്യാൺ സിൽക്സിലെ തൊഴിലാളി സമരവും, ജിഷ്ണു കേസും, നഴ്സുമാരുടെ സമരവുമൊക്കെ എങ്ങും തൊടാതെ മാധ്യമങ്ങൾ അവതരിപ്പിച്ചപ്പോൾ സോഷ്യൽ മീഡിയ ആണ് ശക്തമായി പ്രതികരിച്ചത് എന്നോർക്കണം. ബോബി ചെമ്മണ്ണൂരിന് എതിരെ ഒരു മാധ്യമ സിംഗത്തിനും ഒരു പരാതിയും ഇല്ലല്ലോ അല്ലെ?

പല വാർത്തകളും സോഷ്യൽ മീഡിയ സജീവമായി നിൽക്കുന്നതുകൊണ്ടാണ് മാധ്യമങ്ങൾക്കു മുക്കാൻ പറ്റാതെ പോകുന്നത് എന്നോർക്കണം.

വിശ്വസിക്കുന്ന രാഷ്ട്രീയ പ്രസ്ഥാനത്തിനുവേണ്ടി വാർത്ത വളച്ചൊടിച്ചു ജനത്തെ തമ്മിലടിപ്പിക്കാൻ ശ്രമിച്ച ചില മാധ്യമ പ്രവർത്തകരുടെ നിലപാടും നമ്മൾ കണ്ടതാണ്.

ചാനൽ റിപോർട്ടറോട് എന്തിനാ ചേട്ടാ വെറുതെ വായിൽ തോന്നിയത് പറഞ്ഞോണ്ടിരിക്കുന്നതു എന്ന ദിലീപിന്റെ ചോദ്യം വൈകുന്നേരത്തെ ചർച്ചയിൽ ദിലീപ് ചാനൽ റിപോർട്ടറോട് പോയി പണി നോക്കാൻ പറഞ്ഞു എന്നാക്കി ഏഷ്യാനെറ്റ്.

എന്റെ സംശയം മാധ്യമങ്ങൾ ദിലീപിന് വേണ്ടി വർക്ക് ചെയ്യുകയാണോ എന്നതാണ്. മാക്സിമം നെഗറ്റീവായി ദിലീപിനെ അവതരിപ്പിച്ചു ദിലീപിനെ അത്രയ്ക്ക് മോശക്കാരനാക്കി കാണിച്ചു ഒരു സെന്റിമെൻസ് സൃഷ്ട്ടിക്കുകയാണ് മാധ്യമങ്ങൾ. നെഗറ്റീവ് വാർത്തകൾ ഒരു പരിധിവിടുമ്പോൾ അത് പോസിറ്റീവായി പരിണമിക്കും എന്ന് ആർക്കാണ് അറിയാൻപാടില്ലാത്തതു .

മാധ്യമങ്ങൾക്കു ആഘോഷിക്കാൻ ഇന്നാട്ടിൽ വേറെ ഒത്തിരി വാർത്തകൾ ഉണ്ട്.നഴ്സുമാരുടെ സമരം, അഴിമതിക്കെതിരെ നടപടി എടുത്ത ഉദ്യോഗസ്ഥരുടെ സ്ഥലം മാറ്റം, പകർച്ച പനി, വിലക്കയറ്റം, പെൻഷൻ വിതരണം മുടങ്ങൽ, കയർ മേഖലയിലെയും കശുവണ്ടി മേഖലയിലെയും പ്രശ്നങ്ങൾ, GST.. അങ്ങനെ ധാരാളം.

വിഷയ ദാരിദ്ര്യമല്ല മാധ്യമങ്ങളെ ദിലീപ് കേസിൽ തന്നെ പിടിച്ചു നിർത്തുന്നതെന്നു വ്യക്തം. അപ്പോൾ ദിലീപിന് വേണ്ടി തന്നെയാണ് മാധ്യമങ്ങൾ ഇങ്ങനെ വിയർപ്പൊഴുക്കുന്നതു എന്ന് വ്യക്തം. അത് ഒന്നുകൂടി കൊഴുപ്പിക്കാനാണ് ഇപ്പോൾ സോഷ്യൽ മീഡിയയെ ദിലീപ് വിലക്കെടുത്തു എന്നുള്ള ആരോപണവുമായുള്ള മാധ്യമങ്ങളുടെ രംഗ പ്രവേശം.

Standard
dileep, keralam, Malayalam

മലയാളികളുടെ മരിച്ച മനസ്..


ദിലീപിനും സുരാജ് വെഞ്ഞാറമ്മൂടിനും ഇടയിൽ തെളിഞ്ഞുവരുന്ന ഒരു ചിത്രം ആൾക്കൂട്ടമാണ്. നടിയെ അപമാനിച്ച കേസിൽ ഗൂഢാലോചനക്കുറ്റത്തിന് അറസ്റ്റ് ചെയ്യപ്പെട്ട ദിലീപിനെ കൂക്കിവിളിക്കാൻ തടിച്ചു കൂടിയ ജനക്കൂട്ടം ഇന്ത്യൻ സിനിമയിലെ മികച്ച നടനുള്ള പുരസ്കാരം നേടിയ സുരാജിനെ അനുമോദിക്കാൻ തിരുവനന്തപുരം വിമാനത്താവളത്തിൽ എത്തിയിട്ടില്ല. ഈ വർഷം ഇതേ ബഹുമതി നേടിയ സുരഭിക്ക് വേണ്ടി ആർപ്പുവിളിക്കാൻ കോഴിക്കോട്ടോ നേരത്തെ ഈ നേട്ടം സ്വന്തമാക്കിയ സലിംകുമാറിനെ പൊക്കിയെടുത്ത് ആഹ്ലാദിക്കാൻ കൊച്ചിയിലോ ഈ ജനക്കൂട്ടമുണ്ടായിരുന്നില്ല. ഉയരങ്ങൾ കീഴടക്കുന്നതിലല്ല, വീഴ്ചയിലാണ് മലയാളിയുടെ ആഹ്ലാദം കര കവിയുന്നതെങ്കിൽ അതിന്റെയർത്ഥം നമ്മുടെ ജനിതകത്തിൽ എവിടെയോ ഒരു അക്ഷരപ്പിശകുണ്ടെന്ന് തന്നെയാണ്.
ഫാൽക്കെ അവാർഡ്നേടിയ അടൂർ ഗോപാലകൃഷ്ണനെയോ ജ്ഞാനപീഠം കയറിയ എം.ടിയേയോ ഒ.എൻ.വിയെയോ സ്വീകരിക്കാനും കുരവയിടാനും ഒരാൾക്കൂട്ടവും സ്വമേധയാ എത്തിയിരുന്നില്ല. പക്ഷെ, ദിലീപ് വീണപ്പോൾ ജനത്തിന്റെ പ്രതികരണം അമ്പരപ്പിക്കുന്നതായിരുന്നു. ആലുവ പോലീസ് ക്ലബ്ബിലേക്ക്, സബ് ജയിലിലേക്ക്, തെളിവെടുപ്പിന് ദിലീപിനെ കൊണ്ടുപോകുന്ന സ്ഥലങ്ങളിലേക്ക് ആൾക്കൂട്ടം ഒഴുകിയെത്തി. ഈ ആൾക്കൂട്ടത്തെ ആരെങ്കിലും സംഘടിപ്പിക്കുന്നതാണെന്നു തോന്നുന്നില്ല. ഒരു സ്വാഭാവിക പ്രക്രിയ പോലെ രൂപപ്പെടുകയാണ്. ഒരു നേതാവിനാൽ നയിക്കപ്പെടുന്നവരല്ല ഇവർ. അന്നേരത്ത്, ആ നിമിഷത്തിൽ മുന്നിൽനിന്ന് മുദ്രാവാക്യം വിളിക്കുന്നവർ, ആർത്തുവിളിക്കുന്നവർ അവരാണ് ഈ കൂട്ടത്തെ നയിക്കുന്നത്. ഡൽഹിയിൽ ഇതുപോലൊരു കൂട്ടം കണ്ടത് നിർഭയയയുടെ കൊലപാതകത്തിലുള്ള പ്രതിഷേധവുമായി ബന്ധപ്പെട്ടാണ്. തമിഴകത്ത് ജെല്ലിക്കെട്ട് തിരിച്ചുപിടിക്കാനായി ആൾക്കൂട്ടം രൂപമെടുക്കുന്നത് നമ്മൾ കണ്ടു. ഡൽഹിയും തമിഴകവും തന്നത് പോസിറ്റീവ് സിഗ്നലുകളാണ്. ആലുവയിൽ നിന്നുയരുന്നത് വെറുപ്പിന്റെ ബഹളങ്ങളും. വീഴ്ചയിൽ ആഹ്ളാദിക്കുന്നവരായി നമ്മൾ മലയാളികൾ മാറുകയാണോ എന്ന ചോദ്യം തീർച്ചയായും ഈ ഘട്ടത്തിൽ ചോദിക്കപ്പടേണ്ടതുണ്ട്.
ആൾക്കൂട്ടത്തിന് അതിന്റേതായ ഘടനയും മനഃശാസ്ത്രവുമുണ്ടെന്ന് വിൽഹം റെയ്ഹ് എന്ന ഓസ്ട്രിയൻ മനഃശാസ്ത്രജ്ഞൻ പറഞ്ഞിട്ടുണ്ട്. 1933 ൽ റെയ്ഹ് എഴുതിയ ഫാസിസത്തിന്റെ ആൾക്കൂട്ട മനഃശാസ്ത്രം ആൾക്കൂട്ടത്തിന്റെ രൂപഘടനയെക്കുറിച്ചുള്ള ഒന്നാന്തരം പഠനമാണ്. ലൈംഗികതയുടെ അടിച്ചമർത്തലാണ് ജർമ്മൻ ജനതയെ നാസിസത്തിന് കീഴ്പ്പെടുത്തിയ കാരണങ്ങളിലൊന്നെന്ന് റെയ്ച് ഈ ഗ്രന്ഥത്തിൽ നിരീക്ഷിക്കുന്നു. ലൈംഗികത ഒരു കുറ്റമായി വീക്ഷിക്കപ്പെടുന്ന പരിസരത്തിലാണ് ഒരു ശരാശരി മലയാളിയുടെ ജീവിതം. ഒരു വനിതാ നഴ്സ് ഇഞ്ചക്ഷൻ എടുക്കാൻ ദേഹത്ത് തൊടുമ്പോൾ കോരിത്തരിക്കുന്ന പുരുഷന്മാർ കേരളത്തിൽ മാത്രമായിരിക്കുമെന്നുള്ള നിരീക്ഷണം വെറുതെയല്ല. ഇ.കെ. നായനാർ മരിച്ചപ്പോൾ, കലാഭവൻ മണി മരിച്ചപ്പോൾ ആൾക്കൂട്ടം ഒഴുകിയെത്തിയില്ലേ എന്ന ബദൽ ചോദ്യം ഉയർന്നേക്കാം. മരണം ഒരർത്ഥത്തിൽ വീഴ്ച തന്നെയാണ്. ഒരാൾ മരിക്കുമ്പോൾ അത് മാനവരാശിക്ക് തന്നെയുണ്ടാവുന്ന വീഴ്ചയാണെന്നാണ് ആംഗലേയ കവി ജോൺ ഡൺ എഴുതിയത്. തവളയെ കല്ലെറിയുന്ന കുട്ടിയെക്കുറിച്ച് പ്രശസ്ത മനഃശാസ്ത്രജ്ഞൻ സിഗ്മണ്ട് ഫ്രോയ്ഡ് പറയുന്നുണ്ട്. തനിക്ക് താഴെയുള്ള ഒരു ജീവിക്ക് മേൽ അധികാരം പ്രയോഗിക്കുകയാണ് കുട്ടിയെന്നാണ് ഫ്രോയ്ഡ് ചൂണ്ടിക്കാട്ടിയത്. തിരിച്ചു കല്ലെറിയാൻ തവളയ്ക്കാവില്ലെന്ന് കുട്ടിക്കറിയാം. ഇതേ മനോഭാവമാണ് ആൾക്കൂട്ടവും പ്രദർശിപ്പിക്കുന്നത്. ഒരു വേട്ടമൃഗത്തെപ്പോലെ അത് ഇരയ്ക്ക് മേൽ അധികാരം പ്രയോഗിക്കുന്നു. അടിച്ചമർത്തപ്പെട്ട ലൈംഗിക തൃഷ്ണകൾക്കൊപ്പം മലയാളിയുടെ ഉള്ളിലൊതുക്കിപ്പിടിക്കുന്ന ആക്രമണോത്സുകതയും പുറത്തുചാടുകയാണ്. ഒരു തോക്ക് കൈയ്യിലുണ്ടായിരുന്നുവെങ്കിൽ പല രാഷ്ട്രീയ നേതാക്കളേയും താൻ വെടിവെച്ചിടുമായിരുന്നെന്ന് സമാരാധ്യനായ വ്യക്തി ഒരു സ്വകാര്യ സംഭാഷണത്തിൽ പറഞ്ഞതോർത്തുപോവുകയാണ്. ആൾക്കൂട്ടത്തിന് മുന്നിൽ പെടുന്നവർ പെട്ടതു തന്നെയാണ്. ആലുവയിൽ നിന്നുയരുന്ന ബഹളങ്ങൾ, ആൾക്കൂട്ടത്തിന്റെ ഉന്മത്ത നൃത്തങ്ങൾ – ഇവയാണ് ഇപ്പോൾ നമ്മുടെ അന്തരീക്ഷത്തിൽ നിറയുന്നത്. വികാരമല്ല വിചാരമാണ് വിപ്ലവം വിജയിപ്പിക്കുന്നതെന്ന് പറഞ്ഞത് സാക്ഷാൽ മാവോയാണ്. വിചാരണയും വിധിയും നടപ്പാക്കേണ്ടത് ആൾക്കൂട്ടമല്ല, രാജ്യത്തെ നിയമവ്യവസ്ഥയാണ്. ഇപ്പോൾ നമ്മൾ കാണുന്നത് രോഗമല്ല, രോഗലക്ഷണമാണ്. വേരിൽ ചികിത്സിക്കുന്നില്ലെങ്കിൽ കാലം നമ്മളോട് പെരുമാറുന്നത് തീർത്തും ദയാരഹിതമായിട്ടായിരിക്കും.

Standard
keralam, life, Malayalam, quote

★ എതിര്‍ക്കുന്നത് ആയിത്തീരാനാണ് ★

ദാരിദ്രന്‍ ധനികനെ എതിര്‍ക്കുന്നത് ധനികനോടുള്ള എതിര്‍പ്പു മൂലമല്ല. തനിക്കില്ലാത്ത, വേറൊരുത്തന് ഉള്ള, അവസ്ഥയെയാണ് അവന്‍ എതിര്‍ക്കുന്നത്. എതിര്‍ത്ത് എതിര്‍ത്ത് ഒരു നാള്‍ അവന്‍ അതായിത്തീരുമ്പോള്‍ അവന്‍ പിന്നെ ധനികനെ എതിര്‍ക്കില്ല. അവന്‍റെ മകന്‍റെ വിവാഹം അവന്‍ എതിര്‍ത്ത ധനികന്‍റെ മകളുമായേ നടത്തൂ. 


ജാതിവ്യവസ്ഥയില്‍ താഴ്ന്ന ജാതിക്കാരന്‍ മേല്‍ ജാതിക്കാരനെ എതിര്‍ക്കുന്നതും അതായിത്തീരാന്‍വേണ്ടി മാത്രമാണ്. പൂജാരിയെ എതിര്‍ക്കുന്നത് പൂജാരിയായിത്തീരും വരെ മാത്രമാണ്. എതിര്‍ക്കുന്നവന്‍ പൂജാരിയായിക്കഴിഞ്ഞാല്‍ പിന്നെ അവന്‍ പൂജാരിമാരെ എതിര്‍ക്കില്ല. ത്രൈവര്‍ണ്ണികരില്‍ പെടാത്ത കേരളീയര്‍ ആത്മീയതാന്ത്രികഗുരുക്കന്മാരെ സമീപിച്ച് ഉപനയനവും നടത്തി പൂണൂലും ഇട്ടു മന്ത്രവും ജപിച്ചു നടക്കുന്നതിന്‍റെ പിന്നിലെ സാമൂഹികമനശാസ്ത്രം ഇതല്ലേ? ജാതിക്കതീതമായ വാലുകള്‍ പണ്ട് ആളുകള്‍ പണം കൊടുത്തു വാങ്ങിയതും ഇതുകൊണ്ടു തന്നെയല്ലേ? 
അഴിമതിയെ എതിര്‍ക്കുന്നവന്‍ എതിര്‍ത്ത് എതിര്‍ത്ത് ഒടുവില്‍ അഴിമതിക്കാരന്‍ ആകുമ്പോള്‍ പിന്നെ അവന്‍ അഴിമതിക്കാരെ എതിര്‍ക്കില്ല. (അരവിന്ദ് കേജരിവാളിനെ ഓര്‍ക്കണമെന്നില്ല.)

എല്ലാം മനസ്സിന്‍റെ കളികള്‍ മാത്രം..

Standard